შიდა ქართლისა და მცხეთა-მთიანეთის ოლქის პროკურორმა დავით საყვარელიძემ დღეს დილით გორში დაკავებულ ჩინოვნიკების შესახებ კომენტარი გააკეთა. მისი თქმით, დაკავებული არიან ქალაქ გორის გამგებელი დავით მახარაშვილი, საკრებულოს თავმჯდომარის მოადგილე ნუგზარ პაპუნაშვილი და გორის ყოფილი გამგებელი გაიოზ ზარდანია, რომელთაც ქალაქის კეთილმოწყობისათვის გამოყოფილი დიდი ოდენობით თანხის გაფლანგვა და თანამდებობის ბოროტად გამოყენება ედებათ ბრალად. ყოფილი და მოქმედი თანამდებობის პირების დაკავებას მათი მხარდამჭერების პოლიციასთან დაპირისპირება მოჰყვა. გორის ადმინისტრაციის შენობასთან შეკრებილმა ხალხმა შენობაში შეღწევა სცადა, თუმცა პოლიციამ შენობას კორდონი შემოარტყა და მათ ამის საშუალება არ მისცა.
| 
