საქართველოს პარლამენტში უმრავლესობის სხდომა დაიწყო, რომელზეც 2007 წლის სახელმწიფო ბიუჯეტში ცვლილებები განიხილება
სხდომას ფინანსთა მინისტრი ნიკა გილაურიც ესწრება. საბიუჯეტო ცვლილების განხილვა დღეს ოპოზიციურ ფრაქციებშიც იყო დაგეგმილი, თუმცა გილუარი მათ სხდომაზე არ მისულა. ამ მიზეზით 'დემოკრატიული ფრონტისა' და 'მემარჯვენე ოპოზიციის' სხდომები ჩაიშალა.
პარლამენტი 2007 წლის სახლმწიფო ბიუჯეტში ცვლილებების პროექტს პარასკევის სხდომაზე განიხილავს.
როგორც პარლამენტის თავჯდომარის მოადგილემ მიხეილ მაჭავარიანმა განაცხადა, აღნიშნული საკითხის განხილვა ყველა კომიტეტმა დაასრულა. სახელმწიფო ბიუჯეტი 430.7 მილიონი ლარით იზრდება, რაც მთავრობის განმარტებით, ქვეყანაში საგარეო ინვესტიციების შემოსვლამ და ეკონომიკური ზრდის მაღალმა ტემპებმა განაპირობეს.
Категория: Мои статьи | Добавил: ArvicI (10.09.2007)
| Автор: გიო